ـًـــَــًــالـــخـــيــــالـــًًََــَــًــ

طبعا بداية مختلفة عن اى توبيك ليا فات
بس اصل التوبيك دة فكرتة جتلى من كلمة شوفتها فى توبيك تانى فا قولت ابتدى معاكوا بيها توبيك جديد
اولا هى الكلمة يمكن تكون مش فيها كلام كتير
بس الموضوع دة هيتكلم عن حاجة مختلفة خالص
(الوهم ,الخيال)
اكيد برضوا محدش فاهم حاجة
اولا علشان الكلمة الى فوق دى الى زمانكوا شغالين بتقولوا اية علاقتها بالموضوع
هسألكوا شوية اسئلة الاول :

حصلك مرة انك تبقى بتحب حد بس هو مش يبقى عارف ؟
لما كنت بتتخيل انك بتقولة انك بتحبة بتتخيل رد فعلة اية؟
لو روحت قولت لة انك بتحبة وكان رد فعلة ان بيحب شخص اخر ؟
هل هترضى بالواقع وتفوق من الوهم ولا هتستمر فية وتحاول ترسم صورة حلوة لية وليك وتكمل حياتك بحب وهمى ؟

هيكون شعورك اية او احساسك بعد الموقف دة لو كان قرارك انك هترضى بالواقع هل هتحب تانى ؟(بس قبل الاجابة حاول تحط نفسك فى الموقف)

نخش بقى فى الموضوع:

الوهم او الخيال
الوهم انك تعيش نفسك فى حاجة غير الحاجة الحقيقة يمكن بتكون هروب من الواقع بس هى حالة ممكن يكون اى حد فينا عايش فيها
المشكلة هنا انك مش بتبقى عارف انك عايش فى وهم اصلا
بتبتدى هنا مرحلة الوهم بأنك بتشوف حد بتعجب بية بتبتدى تراقب حركاتة نظراتة كل حركة او حاجة بيعملها اما بقى بتكون لوحدك وتفكر فية تبتدى توهم نفسك انك بتكلمة وقولت لة انك بتحبة وهو قالك انة بيحبك ودخلتوا فى قصة حب وبقت ايامكوا كلها حب فى حب
بس للأسف انت اصلا لسة ما قولتلوش الحقيقة وبيبتدى خوفك يزيد من انك لو قولت لة اية الى هيحصل هل ممكن يرفض فا بتفضل انك تفضل عايش فى خيالك لانك خايف تصارحة
وللاسف الطرف التانى مش بيكون حاسس بيك اصلا
علشان كدة ممكن يرتبط بأى حد وانت هنا بقى بتعتبرها خيانة لخيالك
وبتبتدى تكرة الحب وتكرة الحياة وكل حاجة بتفكرك بيه بس لية اصلا ودة غلطتك انك مش قولت لها

مرحلة تانية من الخيال ...
انك لما تحب هتبقى زى روميو وجوليت وتفضل تتخيل حبك دة بدون مشاكل ولا عقبات وان كل ايامكوا هتبقى كلام حب وغرام
ولكن للاسف تكتشف ان الحب لازم يمر بمشاكل ولأنك لم تكن تتوقع لا تستطيع التعامل
وللاسف العلاقة بتفشل لأى سبب اياً كان حتى لو تافه ولكن ليس لحجم المشكلة ولكن لعدم محاولتك حتى التعامل معة لانك لم تكن تتوقع

اخر مرحلة :
(مرحلة الشخصية الرومانسية الحالمة )
الشخص الرومانسى الحالم هو الى بيتخيل كل تفاصيل حبة مع الطرف التانى بيحاول يعمل صورة للطرف دة شكلة ملامحة تصرفاتة طباعة شخصيتة
ممكن يلاقى الشكل والطباع او بعضا منها بس للاسف بيلاقيها فى المرحلة الاولى من الحب الى هى المرحلة الى مش بيبان فيها غير افضل صفات الطرف الاخر
ولكن للاسف وعند مرور الحب بمرحلة الاستكشاف يبتدى الطرف يدور على الصفات الى هو عمل صورة ليها فى عقلة بس مش بيلاقيها بيلاقى شخص تانى شخص تانى خالص غير الى هو عملة صورة فى خيالة
علشان كدة بيحصل حاجة من التلت حجات دى
يا اما الطرف دة بيحاول يرسم فى مخة صورة تانية بتفاصيل الطرف التانى دة معدلاً فيها الصفات الى مش لقاها وبيحاول يحط الصفات الى لقاها
(بيحاول يرضى بالامر الواقع)
او
بيحاول يغير الطرف دة للصورة الى فى دماغة وللاسف مش هيقدر لان الطرف التانى هيبقى رافض للتغير
او
هيبعد عند الطرف التانى ويحاول يدور تانى على الصورة الى فى دماغة وللاسف ولأنها صورة كاملة لشخصية غير موجودة غير بالخيال مش هيلاقيها وهيفضل يخش فى مرحلة ويطلع من مرحلة لحد اما هيكتشف انة مش هلاقى الشخصية الوهمية دى لانها موجودة فى عقلة بس

كل الشخصيات الى انا قولتها دى مجرد شخصيات عايشة فى الخيال والوهم للاسف مش بيحسوا انهم كانوا عايشين فى وهم غير لما يتصدموا بس للاسف الصدمة بتكون جامدة
,,,,,,,,,,,,
مش غلط انك تختار صفات شريك احلامك بس حاول تحط فى دماغك ان مفيش انسان كامل وقبل كل دة حط فى دماغك ان الطرف الى فية الصفات الى انت عاوزها كمان هو حاطط فى دماغة صورة لفارس احلامة

>(من مدونتى الخاصة )<