منتدى بحيرة الحب
حيآڪ ربي يَ زآئرنآ رمزية عشقى لمصر 119
دلوٍقتي ليـة مآ يڪۈن لڪ ۶ـضۈيهہ ۈ تحمل ڪل شي , ۈ تظهر لڪ جميع الصۈر بَ آلمنتدى
, ۈ تصبح صديقنآ رمزية عشقى لمصر 156 ؟
مش هتندم صدقني ۈ خصوصاً إن منتدياتنآ من [size=9]آلطبقهہ آلألمعيّهہ [/size]رمزية عشقى لمصر Icon10 <~ يعني صدّقني رمزية عشقى لمصر 3
المهم إذآ كنت حآبب تبقي من آلطبقهہ آلألمعيهہ
» [size=9]إضغط هنآ [/size]« ۈ سجل رمزية عشقى لمصر ISx66170
منتدى بحيرة الحب
حيآڪ ربي يَ زآئرنآ رمزية عشقى لمصر 119
دلوٍقتي ليـة مآ يڪۈن لڪ ۶ـضۈيهہ ۈ تحمل ڪل شي , ۈ تظهر لڪ جميع الصۈر بَ آلمنتدى
, ۈ تصبح صديقنآ رمزية عشقى لمصر 156 ؟
مش هتندم صدقني ۈ خصوصاً إن منتدياتنآ من [size=9]آلطبقهہ آلألمعيّهہ [/size]رمزية عشقى لمصر Icon10 <~ يعني صدّقني رمزية عشقى لمصر 3
المهم إذآ كنت حآبب تبقي من آلطبقهہ آلألمعيهہ
» [size=9]إضغط هنآ [/size]« ۈ سجل رمزية عشقى لمصر ISx66170
منتدى بحيرة الحب
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتدى بحيرة الحب

جميع ما تريدة هنا فى منتدى بحيرة الحب ,, كل ما تتمناة تجدهـ فى مكان واحد
 
الرئيسيةالبوابةأحدث الصورالتسجيلدخول

 

 رمزية عشقى لمصر

اذهب الى الأسفل 
2 مشترك
كاتب الموضوعرسالة
♥ Śћ๑ Śћ๑ ♥
مًدًٍيَـِِّرٌٍة آلمًنْتُِِّْدًٍى
مًدًٍيَـِِّرٌٍة آلمًنْتُِِّْدًٍى
♥ Śћ๑ Śћ๑ ♥


»| مڛآهُمآتـﮯ : 1521
»| تقيميـﮯ : 2785

»| السٌّمعَـﮯ : 11
»| تاريخ تـسْجٍيلـﮯ : 26/02/2010
»| تاريخ ميلآديـﮯ : 28

رمزية عشقى لمصر Empty
مُساهمةموضوع: رمزية عشقى لمصر   رمزية عشقى لمصر Emptyالسبت يونيو 26, 2010 5:29 am

جمعتني بها رحلة في طريقي من السعودية إلى مصر تعارفنا .. (رمزية) فلاحة وانسانة بسيطة بساطة الريف وجماله، طاهرة كالنيل ..وضاحة ومشرقة كشمس بلادي الاستوائية .. احببت مصر وأهل مصر في عيون (رمزية) وبعد عودتي كانت دائماً تلاحقني بأن اوفي بالندر اللي عليَ بزيارتها في قريتها .. وقد اوفيت بذلك لاحقاً .. وكتبت عند عودتي هذه القصيدة والتي دافعت عنها في لقاء باحد البرامج التلفزيونة بأنها ليس استلاباً ثقافياً ولكنها استعارة للهجة المصرية حاولت التعبير من خلالها حتى تصل رسالتي الشعرية الى (رمزية) بلهجة (رمزية) تقديرا واكراما لها..




كان ندر عليا .. ولابد أن أوفي الندر...
وإيه يعني لما أخطف رجليا للغالية (رمزية ) في مصرْ؟
دا انتي تستاهلي أمشيلك ( يا رمزية) حافي ع الجمـرْ
أكمِنك الهمتيني غنيوه من أحلي وأغلى غناوي العُمـرْ
****
ورجِلي على رجِل صحابي لأوصلك يا أغلى أحبابي
لأوصَلك يا (رمزية ) من قبل ما يُوصل جَوابي
لو كنتي في آخرِ الدِنيا منسيَّة ...
برضك على بالي ..ومعَرش فرعك على بابي
****
وتلاقيكي في أمِ الدنيا بتقيدي قنديل ...
وزي نسمة رقيقة بتهفف على آخر الليل على وردة ندية
متكيّة على شط النيل ...
لاوصلك يا ( رمزية) ..لاوصلك مهمن كان مشواري طويل
****
وأديني أهو صبحان على بلـــدكْ ..
ولا حستيش في لحظة بإني غريب ..
ده آني برضو يا مَصر محسوبك وولدكْ
بإمارة لوني زي نيلك وابيضْ م الداخل زي سعدكْ
وأديني جيت أوفي بوعدي ..واوفيلك برضو بوعدك
ومن لحظه دبتْ رجلي يا (رمزية) ف ساحةِ الدارْ
وأنا قلبي بيقدحْ نار في نارْ
فرحانْ ؟ ما أعرفش ..حزنانْ؟ ما أعرفش..لِكني طبعاً مِحتارِْ..
حا ندور فين ؟ وحا نِسأل مين؟
وراح نِوصل كيفْ؟
والدنيا يوميها مشتيَّة ع الآخر ونهارها بردِ وزيفْ
حا ندور فين يا ( رمزية) ؟ ما اكتر ضيعات وكُفُور الريف ..
ودليلي إحتار..
عدينا كفر الزيات، كفر السبع، وكفر إبراهيم
طبينا في كفرِ الدوار
ودليلنا احتار ..
وازاي راح نِمشي باقي المشوار؟
وفينك وفينك يا صاحبي على بالْ نِوصل كفرِ النُوار ؟
****
بس أصحابي يا (رمزية) بالجد جدعانْ
يتحطوا ع/ الجُرح الصاحي يصبحْ بريانْ
وهُمن ياستي اللي دلوا خطواتي في الروحه وفي الجيه
وما سابُوش في قلبي لليأس مكانْ
خلوا قلبي دايماً صاحي.. وعلى طول دفــيانْ
وعلى كلٍ...
خليني أحكيلك من أول خَطوة في المشوار
وبلاش تنطِيط ..
سافرنا كِـدَه..من غير ما نَعَرَف حا ندور فينْ ؟
ومن غير تخطيط ...!
رُحنا في الأول على طـنطا ..
وكان الـمُرواح ورطـة في ورطـة
واحترنا في طنطا وإحنا بنسأل ع الحِبانْ
الورطة فــين ؟ تارينا غُلطنا في العـنوانْ ..
قالوا إنك مش في طـنطا .. يا دي الخيبه ياجدعانْ!
ناديتْ على راجِل كان واعي وبصحيح فهمانْ
بصالنا وقال : مكتوب ع الورقه ديت (بسيوووونْ) ..
طَبْ يا أسطى فين (بسيونْ) ؟
وازاي ما شفتش ع الوِرقه كلمة (بســيونْ) ؟
لا يكون الشوقْ يا ولآد أعمى قَلبي .. وعمالي عيون ؟
وبقيتْ حيرانْ ..
قَال الراجل: ولسه حتِمشــوا كمانْ .. وكمـــانْ
وحتلاقوا السكه مقفـولِة في اللفِة .. يَمْ الـمَزلقانْ
فتحودوا عند الكوبري يمينْ ..وعلى طول في الخط ..
وهناك يا بيه تِوقف تِسأل ..
مدينا شوية في الحٍته تُهنا ..
طشينا ( يا رمزية) في الحته ودليلنا طـشْ
وأنا قلبي فارق سدري وطشْ
ما إنتي عارفاهو مغلبني أكمنو حنين وهشْ
حسيتْ لكإننا بندَور على إبرة
اتخبتْ في الضَلمَـة في كُومةِ قــشْ
وبعدين دا آني فعلاً قلقان وقلبي جواتي بتململ ..
ولسه مشوارنا راح يبدأ من تاني وأولْ ..
وكل واحد يوصفلي طَريقك.. والاقي وصفو بيتأولْ
بس آني قايلك يا ( رمزية) لازمنْ حا وصلْ ..
و مهمــنْ يحصلْ لازمـنْ أوصلْ ..
وبرضـو الجِدعانْ ..
طبطَبوا على سِدري وقالولي يا أبو السودانْ
حا نروح وإياك مطرحْ ما تكون (بسيونْ)
وحا ندَور كلنا للصُبح ،وأهـو كله يهـونْ
لأجْلِك يا ( رمزية) يا أُم ضفاير دهبية يا سِت الصونْ..
ما اطـولِش عليك يا (رمزية)
وآصلنا تاني مشوارنا رايحينْ ع السكة البحــرية
من غيط لغيط ،ومن كفر لكفر، في زرُوع وتِـروعْ ومراكبية
وأشجار بتميل على وشِ النيلْ تتراقص زى أحلى صبية
وجاموسْ ..ونامـــوسْ، وعــوالم عايشـــة بعفـوية
وايدين بتلـوّح ناحيِتنا بسلام جِدعان وأحلى تحية
في مناظــر تِشرح للخاطـــرْ والريف بِيقطـرْ حِــنيَّة
*****
لحظتها يا (رمزية)
آني شـــايفِ النيل على مهلـــو بتمشى فـــوق الشــــطانْ
وكإنُه بيهمــــــسْ للخُضـــرة لـــتنَّور في وِشِ الضـــيفانْ
فسرحتْ بعيد .....بعيد ..ناحية شتلاتِ الحنَّه والرمـانْ
بتهيأ لي لمحتِك خَطْفة في عيون طفلة تتنطط بينِ الصبيانْ
فحسيتْ بأمانْ ... ومِشِينا كمانْ ..
طبينا ف راجل ابن حلالْ ..
أخلاق ... ياسلام .. وكلـو على بعضـــو وســامة
حـيانا بنداوةِ الــريفْ، وأجدع وأحلى ابتـسامة
وسـلَّمْ لي يجي مِت مرة ..وكإنه في كفه حمــامة
وقالـِنا محسوبكم ( سلامة عبد السلامْ سـلامة)
وقالي (سلامة): إرجع يا سيد من تاني ع الخطْ
حتلاقي طريقك مِتفَرع ..وطريق رايح دُغري في الوسطْ
سيبو .. سيبو واصل .. وما تمشِيش فـيه
وطريق ميَّال.. وشمال دُغري.. وشمال في شمالْ
دا تِعدي علـيه .. مفهـوم يا بيـه؟
حا تبصِ في وشِــك حتلاقي على طول (بسـيونْ)
يا جماعةِ الخير ..إشِـربوا شاي .. اشِربوا لَـمُـونْ
شكراً يا (ســلامة) بنستعجِل على سِـت الصُــونْ
ربنا معاكُو يا بهـوات ..
وأنا لسهْ يا ( رمزية ) لما أفتكِر عمي (سلامة) بالذاتْ
على طول أطمـَّن إنه الريف لساتُه بخيرْ..
في حلاوتُه، ونقاوتُه ،وصفاوتُه .. الريف غــيرْ..
وحقيقة.. الريفْ،والناسْ،والـزرعْ، وكمانِ الطـيرْ
الكل بيدحــكلك دحْـــكة مـــن غــــير تزويـــرْ
معليش إن كنتَ سرحتْ عليك في القول يا (رمزية) ..
مَدينا شوية من تاني ع السكة التانية الدُوغـرية
وأهي (بسيون) قُدامنا أهي .. في حِته هادِية وندية..
في أُم الدنيا منسيَّة ..
وصادف مُرواحنا يومِيها كان مولِد شيخِ الدسُوقية
تعرفوا يا ناس فين ( رمزية) ؟
تعرف يا حاج فين (رمزية) ؟
تعرفي (رمزية) يا ولـيَّه ؟..
أيوه .... هيَّ ... هيَّ .. أُم ضــفاير دهـــبية
وسؤال في سؤال .. ورجال وحريم وعـيالْ
دلوني عليك يا (رمزية )..
ولقيتك طالعه قُدامي ..يا طلعة حلوة وبهــية
وشـي في وشِـكْ ..واتسمَر رمشي على رمشِــكْ
اشواقنا بتجري في عنينا... وعنينا فضلتْ تِكلـمْ
الفرح ،الدهشة ..الفُرقة، الحزن..كُله في عينينا بترجمْ
وعوالم تِسـأل وتِسـتَفْهمْ!! ولا حَدش غيرك راحْ يِفهمْ
ولا حَدِش غيري راحْ يفهمْ..
آه.. ولا حدش غيرك راح يفهم ..
في هموم حايشاني وبتحُوشِـــكْ
في سؤال بتكِي على رُموشكْ ....
ويدوبْ يتكسَر في الدمــعة
والدمعهْ نِزلت ف ايديكي ضوتْ ف ايديكي زي شمعة
والشــمعهْ تضوي ف الحِته لقلوب حَـولينك مُجتمعــة
وقلوبْ تِدعِيلك وتندهلك وإنتى مـشْ شايفة ولا سَـامعة
وعينيكي بتسِأل وتجاوبْ ..
ومشاعرك فيها بتتناوبْ
أزاي حا تكلِم واحكيلك دي الدنيا اتلمتْ حـوليا؟
وازيكْ ؟ وإزيكْ إنت ؟
وازاي حا تغيب تاني علــيا؟
وازاي حا تروح ..دُوبك واصِل ؟
وما فِرحتِش لسه بالجِيه؟
اسِكتي .. اسِكتي يا (رمزية)
مــشْ لازم نِحكي ونِتكلـمْ ..
لحظات ..راح نِفرح ونِتألـمْ ..
والدنيا قُصادنا بتتعلـمْ..
ولا حَـدِش غيركْ راح يفهـمْ ...
ولا حَدش غيري راح يفهـمْ
ازاي أنا جِيتْ على رجليا... ووفيتْ النَدر اللي عَليا ؟
وحا يفضَلْ لغز الحُدوته عايش جُواتنا يا (رمزية)
لحظاتْ ..
وآني راجِع ..راجِع بلدي يا (رمزية)
وما اعرفش إن كُنا حا نتقابلْ أو دِيَت فُرقة أبـدية
وما أعرفش إن كان اللي معايا حا يسامحُوني؟
صـحْ .. هُمن فعلاً دلوني.. لكنْ ما اظِنش فهموني
وعينيكي فَضلت تِكَلِـمْ ..وآني ساكتْ وسامع بعيوني
وسِكتي فجأة يا (رمزية) ..
واتلموا الناس جُم سألوني : فـين (رمزية) ؟
فين يا اسطى راحت (رمزية) ؟
ودِحِكت.. وأنا بغْمِض عينَّيا .. إلا بصحيح فين (رمزية)؟
و صحابي جُمْ وأخـدوني راجِعين ع السكة البحرية
بصوا كُلِتهم في عيوني .. اتخضُوا .. اتلموا حـوليا
وبالصوت الواحد سألوني: أزاي حا تعدي م الجُمرُك
وعينيك مش باينهْ طبيعية ؟
إسْكتوا .. إسْكتوا .. يا فنديهْ (رمزية) اتخبتْ في عينَّيا..

القاهرة 3/11/2006م



الرجوع الى أعلى الصفحة اذهب الى الأسفل
.بنوتة مصرية
عًٍضًٍوٍ مًبٌَِتُِِّْدًٍئ
عًٍضًٍوٍ مًبٌَِتُِِّْدًٍئ
.بنوتة مصرية


»| مڛآهُمآتـﮯ : 31
»| تقيميـﮯ : 39

»| السٌّمعَـﮯ : 0
»| تاريخ تـسْجٍيلـﮯ : 04/06/2010

رمزية عشقى لمصر Empty
مُساهمةموضوع: رد: رمزية عشقى لمصر   رمزية عشقى لمصر Emptyالسبت سبتمبر 18, 2010 4:53 am

مصــر أم الدنيا و اجمل بلد فى العالم بجد

تسلم ايديكى على هذة الكلمات الذهبية

رمزية عشقى لمصر Lol
الرجوع الى أعلى الصفحة اذهب الى الأسفل
 
رمزية عشقى لمصر
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى بحيرة الحب :: آلقٌٍصٍْآئدًٍ وٍآلآشًِْعًٍآرٌٍ ♥-
انتقل الى: